Një person është gjetur pa shenja jete rreth orës 08:00 këtë të mërkurë në oborrin e shtëpisë së tij në Obiliq të Kosovës.
Trupi i pajetë i viktimës është dërguar në Institutin e Mjekësisë Ligjore për kryerjen e ekspertizës.
“Raportohet se në oborrin e shtëpisë së tij është gjetur pa shenja jete viktima mashkull kosovar. Me vendim të prokurorit, trupi i pa jetë i viktimës është dërguar në IML për obduksion,” thuhet në raportin policor.
Policia ka nisur hetimet për zbardhjen e shkaqeve të kësaj vdekjeje.
