Policia e Gjirokastrës ka vënë pranga një 27-vjeçar me inicialet D. Ll pasi u kap në flagrancë teksa shiste brenda Kalasë së qytetit lëndë narkotike ekstazi.
I riu u kap teksa po i shiste lëndë narkotike një 31-vjeçari i cili u procedua edhe ai penalisht.
Policia sekuestroi lëndën narkotike ekstazi, 420 euro dhe 28000 lekë të përfituar nga veprimtaria kriminale e shitjes së kësaj lënde dhe 2 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
