Tragjedi në brigjet italiane, mbyten në det 41 emigrantë

Një tragjedi është regjistruar ditën e sotme në brigjet Italiane ku 41 emigrantë kanë humbur jetën.

Dyshohet se emigrantët janë mbytur pas përmbysjes së një varke të nisur nga Tunizia pranë Lampeduzës.

Nga ngjarja e regjistruar vetëm 4 ishin fatlumë pasi kanë arritur të mbijetojnë. Ata u gjetën nga një varkë patrulluese e Rojës Bregdetare në ngushticën e Siçilisë.

Katër të mbijetuarit u thanë ushtarëve se u nisën nga Sfax në Tunizi të enjten dhe në varkë kishte të paktën 3 fëmijë.

Pas 6 orësh lundrim, varka prej 7 metrash u përmbys për shkak të një dallge të madhe.