Ekuadori nuk gjen qetësi. Pas vrasjes së kandidatit për president, Fernando Villavicencio gjatë një takimi elektoral, një tjetër kandidate për Parlamentin ka rënë pre e një sulmi të armatosur.
Bëhet për Estefany Puente, por fatmirësisht pa pasoja të rënda.
Puente ishte në makinën e saj, e shoqëruar nga babai dhe një bashkëpunëtor, kur dy persona ende të paidentifikuar, qëlluan drejt makinës, në xhamin e përparmë nga ana e shoferit dhe më pas u larguan me shpejtësi.
Si pasojë e plumbave, Puente mori lëndime të lehta në krah.
Muajt e fundit, vendi po përjeton një valë dhune të lidhur me trafikun e drogës.
