Dy serbë janë vënë në pranga në pikën kufitare Muçibabë-Lipovicë, pasi u kapën teksa transportonin mallra kontrabandë, ushqime, që vinin nga Serbia me destinacion Kosovën.
Mallrat e kontrabanduara në të dy rastet, u sekuestruan nga policia.
Konkretisht, gjatë vëzhgimeve të kryera, policia ka vërejtur një automjet të dyshimtë, i cili po vinte nga Serbia për në Kosovë.
Sakaq, automjeti është ndaluar në rrugën Muçibabë-Pasjan dhe gjatë konstrolleve janë gjetur 24 litra verë, 600 shishe birra dhe 260 shishe uji mineral dhe natyral. Për pasojë është vënë në pranga shoferi serb.
Ndërsa rasti i dytë, policia ka gjetur në një automjet në po të njëjtin vend, me mish dhe 640 shishe me birra kontrabandë nga Serbia, ku për pasojë është arrestuar një tjetër shofer serb.