Policia ka nxjerrë në pah detaje të reja nga plagosja e dy adoleshentëve në Himarë, njëri prej të cilëve ndodhet në gjendje të rëndë dhe është transferuar me helikopter drejt Tiranës.
Bëhet me dije se dy adoleshentët janë afruar te disa shkëmbinj dhe pasi kanë zbritur nga mjeti lundrues Jet Ski, kanë hipur në shkëmbinj, për t’u hedhur në det.
16-vjeçari është hedhur në det si fillim dhe ka pësuar dëmtime të rënda në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, 17-vjeç, për ta ndihmuar, por nuk ka mundur dot sepse është dëmtuar edhe ai vetë.
17-vjeçari ndodhet jashtë rrezikut për jetën ndërsa 16-vjeçari mësohet të jetë në gjendje të rëndë.
Ndërkohë, është shoqëruar në Komisariat dhe po merret në pyetje pronari i mjeteve lundruese me inicialet R. P.
U hodh nga shkëmbi në det! Plagoset 16-vjeçari, shoku futet ta nxjerrë
