Një ngjarje e rëndë është regjistruar në Brazil ku shtatë persona humbën jetën kur autobusi me të cilin po udhëtonin u përmbys në një autostradë në shtetin Minas Gerais në orët e para të mëngjesit të sotëm.
Autobusi po transportonte tifozë të klubit të futbollit Corinthians me qendër në qytetin e Sao Paulo-s, pasi ata kishin ndjekur një ndeshje kundër Cruzeiro në kryeqytetin e Minas Gerais, Belo Horizonte.
Aksidenti ka ndodhur në orën 02:50 kohë kur autobusi është përplasur dhe ka rënë në një humnerë, sipas zjarrfikësve vendas.
Bëhet me dije se në të ndodheshin 43 tifozë, ndërsa përmbysja është shkaktuar nga mosfunksionimi i frenave.
