Një aksident është shënuar mbrëmjen e sotme në aksin rrugor Sarandë-Delvinë, pranë fshatit Shelegar ku për pasojë kanë mbetur dy të plagosur.
Një automjet tip “Mercedes-Benz” me drejtues Zenel Tushën është përplasur me automjetin tip “Mitsubishi” me drejtues 34-vjeçarin Eltjon Çela.
Të plagosur kanë mbetur pasagjerja e Benz-it, 63-vjeçarja Adife Tusha dhe drejtuesi i mjetit tjetër, 34-vjeçari Çela të cilët po marrin ndihmën e parë në urgjencën e spitalit të Sarandës.
Sipas informacioneve paraprake gjendja e Eltjon Çelës është e mirë ndërsa 63-vjeçarja Tusha është më rëndë.
Ndërkohe policia ka nisur hetimet për ngjarjen për zbardhjen e shkaqeve të këtij aksidenti.
