Kosova i është bashkuar deklaratës së përbashkët të vendeve të G7-ës për mbështetjen e Ukrainës.
Kështu ka bërë të ditur kryeministri i Kosovës, Albin Kurti, duke nënvizuar se kjo deklaratë shpreh mbështetje të parezervë për përpjekjet e guximshme të Ukrainës për të mbrojtur institucionet e saj demokratike nga lufta ilegale dhe e paprovokuar.
“Duke iu përmbajtur kësaj deklarate, Republika e Kosovës rithekson se sigurimi i fitores për popullin ukrainas, si dhe mbajtja përgjegjëse e liderëve rusë për krimet e tyre, është thelbësore për ruajtjen e paqes dhe demokracisë në Evropë dhe jo vetëm.’- ka shkruar ai.
