Policia e Tiranës ka vënë në pranga 6 shtetas, pasi vinin baste sportive nëpërmjet celularëve.
Në flagrancë u arrestuan një 19-vjeçar me inicialet G. Sh., një 36-vjeçar me inicialet E. A., një 33-vjeçar me inicialet E. I., një 18-vjeçar me inicialet A. Gj., një 50-vjeçar me inicialet I. N., dhe një 57-vjeçar me inicialet S. Sh., të gjithë banues në Tiranë.
Aparatet celulare që këta shtetas përdornin për vënien e basteve sportive, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
