Presidenti rus, Vladimir Putin ka folur rreth situatës ekonomike të Rusisë teksa u shfaq përmes një videolidhjeje në samitin e BRICS-it.
Putin u shpreh se Rusia është pjesë e 5 vendeve më të fuqishme ekonomikisht në botë, pavarësisht “pikëpamjeve pesimiste” të ekspertëve perëndimor.
Ai shtoi se në Rusi ka paqëndrueshmëri në tregjet financiare, energjetike dhe se po rriten borxhet shtetërore dhe private.
Putin bëri thirrje partnerëve të BRICS-it që të bashkëpunojnë në kushte të barabarta ndërsa thotë se Rusia mbetet dhe do të jetë një furnizues i besueshëm ushqimor për Afrikën.
“Ne bashkëpunojmë mbi parimet e barazisë, mbështetjes së partneritetit, respektimit të interesave të njëri-tjetrit dhe ky është thelbi i kursit strategjik të shoqatës sonë të orientuar drejt së ardhmes, një kurs që përmbush aspiratat e pjesës kryesore të komunitetit botëror, e ashtuquajtura shumicë globale”, pohoi presidenti rus.
