Një shqiptar dhe dy grekë janë arrestuar në shtetin fqinj pasi një ditë më parë mbyllën në rimorkion e një makine disa emigrantë të paligjshëm në zonën e Aleksandropolit.
Pronari shqiptar i mjetit ka postuar një video në rrjetet sociale ku shihet automjeti i tij duke tërhequr një rimorkio që mbante 25 emigrantë të paligjshëm me origjinë siriane dhe pakistaneze.
Ai ka shkuar deri aty sa i akuzon ata se janë përgjegjës për zjarret masive që kanë përfshirë Greqinë.
“Kam ngarkuar 25 emigrantë në rimorkio, duan të na djegin këta, 25 bastardë këtu e i gjithë mali është plot. Janë të betuar të na djegin. Organizohuni, le të dalim e t’i mbledhim. Vetëm kaq po ju them, duan të na djegin,” thotë ai teksa zbulon fytyrat e emigrantëve të frikësuar.
Për këtë ngjarje, përveç pronarit të mjetit, në nëndrejtorinë e sigurimit të Aleksandropolit janë shoqëruar dhe janë ndaluar edhe dy grekë, të cilët dyshohet se e kanë ndihmuar.
