Policia australiane ka shkatërruar një bandë kriminale shqiptare ku kanë rënë në pranga dy persona.
Operacioni u zhvilluar në veriperëndim të Melburnit ku u vunë në pranga dy persona dhe u sekuestruan afro 300 mijë dollarë. Gjithashtu u sekuestruan 700 bimë kanabis.
Të arrestuarit janë drejtuesi i dyshuar i bandës, 47-vjeçari Ditan Ndreu. Shqiptari akuzohet për kultivim dhe trafikim të sasive të mëdha tregtare të kanabisit dhe posedim të produkteve të veprës penale.
Gjithashtu u arrestua Shirley Rodriguez, një grua kolumbiane 44-vjeçare, e cila ishte me vizë studentore.
Hetimi filloi në qershor kur policia mori një informacion për sjellje të dyshimta në një nga adresat.
Në total gjatë këtij operacioni u sekuestrua më shumë se një ton kanabis me vlerë rreth 5 milionë dollarë.
