Jude Bellingham mbetet vendimtar për Realin e Madridit. “Los Blancos” fituan 1 me 0 përballë Celta Vigo, në javën e tretë të kampionatit spanjoll, falë rrjetës së yllit anglez.
Goli që vendosi ndeshjen u realizua vetëm 9 minuta përpara fundit, duke bërë që skuadra e Ançelotit të ketë pikë të plota në renditje.
Gjithsesi, festa e madrilenëve për fitoren nuk ishte e plotë, sepse te Reali janë në ankth për dëmtimin e Vinicius Junior.
Braziliani u largua nga fusha pas vetëm 16 minutave lojë, për shkak të një lëndimi muskulor.
