Pas aksidentit të ndodhur mbrëmjen e djeshme në një club në Sarandë, ku një i ri 17-vjeçar humbi jetën, ka reaguar Inspektorati Shtetëror i Mbikqyrjes së Tregut.
Ky autoritet njofton se pasi ka kryer verifikimet në terren, rezulton se pajisja që ka pësuar defekt nuk ishte ashensor.
“Pajisja e përshtatur për transport mallrash nga subjekti, e cila ka pësuar defekt nuk është ashensor.
Si rrjedhojë, ISHMT nuk ka kryer inspektime apo kontrolle pranë këtij subjekti, bazuar kjo në detyrimin e përputhshmërisë së instalimit të vendosur në shërbim nga personi përgjegjës, pasi nuk është brenda kompetencës ligjore të tij.
ISHMT shpreh keqardhje për aksidentin tragjik dhe i shpreh ngushëllime të sinqerta familjes së të riut,” thuhet në reagim.
Incident tragjik në Sarandë, ashensori zë poshtë punonjësin e club-it, humb jetën 17-vjeçari
