Filloreta Raçi, e njohur si Fifi, ishte këngëtarja e cila do duhej të performonte mbrëmjen tragjike në “Orange Club” në Sarandë ku humbi jetën 17-vjeçari Antonio Delilaj.
Ngjarja ka ndodhur para se Fifi të dilte në skenë siç ishte planifikuar gjë e cila nuk ndodhi pasi gjithçka u anulua pas ngjarjes së rëndë që i mori jetën kamerierit të lokalit.
17-vjeçari vdiq tragjikisht nga ashensori i cili përdorej nga stafi. Këputja e kavos ishte fatale pasi e goditi të riun në kokë.
Në lidhje me ngjarjen ka reaguar edhe vetë këngëtarja e cila u shpreh për mes një instastory se ishte e shokuar dhe dha ngushëllimet e saj për familjen e viktimës.
”Ngushëllime Familjes Delilaj. Ngjarja e djeshme më la në shok,” shkruan Fifi.
