“Unë kam parë shumë fantazime, si ajo se erdhi për një termocentral bërthamor”. Kështu u shpreh Edi Rama pas pushimeve që kaloi kryeministrja italiane Meloni pak ditë më parë në Vlorë duke mohuar zërat e një bisede të tillë.
Por mediat përtej Adriatikut kanë një tjetër version. “Milanofinaza.it” shkruan se dy palët, Tirana dhe Roma janë duke diskutuar planin që do të rikthente energjinë bërthamore në Itali.
Po sipas medias në fjalë, centrali bërthamor që sipas tyre do të ndërtohet në Shqipëri do të jetë me kapacitet 1500 Megavat me një investim 4 miliardë euro.
Gjithashtu jepen detaje nga projekti, që tani është në letër, por që mund t’i besohet tre kompanive italiane të energjisë, ENI, ENEL dhe EDISON.
