Një shqiptar ka mbetur i vrarë në Sirolo të Italisë. Mediat italiane raportojnë se ngjarja ka ndodhur pasditen e djeshme, ku 23-vjeçari, Klajdi Bitri është vrarë me shtizë peshkimi nga një person me origjinë nga Algjeria.
Ngjarja e rëndë u shënua në Sirolo të Italisë, ku ka mbetur i vrarë një 23-vjeçar shqiptar.
Algjeriani vret me shtizë peshkimi 23-vjeçarin shqiptar, hyri për të ndarë sherrin
Makina ku ndodhej algjeriani nuk i jepte përparësi makinave të tjera, ndërsa vetë lëvizte shumë ngadalë. Ka pasur një përplasje fizike mes autorit dhe një personi, që mendohet se ishte i shoku i tij.
I riu ka ndërhyrë për të shuar sherrin kur është goditur në gjoks me shtizë peshkimi nga algjeriani. Viktima është identifikuar si Klajdi Bitri, një punëtor 23-vjeçar me origjinë shqiptare, banues në Ankona.
