Mediat e huaja kanë publikuar foto e fundit para se rrëzimi apo shpërthimi i avionit të tij shumë pranë Moskës t’i merrte jetën shefit të ushtrisë mercenare Wagner.
Prigozhin duket në disa selfie, me shumë mundësi në Bangui, kryeqyteti i Republikës së Afrikës Qendrore, me vendasit atje.
Ai është fotografuar i veshur me rroba civile dhe duket i rrethuar nga banorët atje që duken të emocionuar dhe pozojnë me të.
Menjëherë pas takimit me njerëzit e Banguit, Prigozhin shkoi në Mali, ku veshi përsëri uniformën e tij ushtarake dhe bëri një video të fundit të tij, duke thënë se donte “ta bënte të gjithë kontinentin afrikan më të lumtur”.
Këto foto të fundit të Prigozhin në rrjetet sociale vijnë pasi autoritetet ruse konfirmuan zyrtarisht vdekjen e tij të shtunën.
