Qeveria e Shqipërisë ka harxhuar 213 miliardë lekë (2 mld euro) në infrastrukturën rrugore nga viti 2014 në vitin 2022 raportoi INSTAT, por të dhëna më të detajuara nga projektet e investimeve tregojnë se punimet në objektet kryesore të infrastrukturës vijojnë ende.
Të dhënat e INSTAT tregojnë se gjatë vitit 2022 janë investuar për ndërtimin e rrugëve të reja dhe atyre ekzistuese rreth 24 miliardë lekë me një rënie rreth 26 për qind në krahasim me vitin 2022. Por që nga viti 2014 janë investuar në mbi 2 miliardë euro, të cilat janë copëzuar në projekte për të cilat ndërtimi i kaluar më shumë se një dekadë.
Të dhënat nga Ministria e Financave dhe ajo e infrastrukturës tregojnë se projektet e mëdha të investimeve të tilla si Unaza e Madhe e Tiranës, Rruga e Arbrit, Rruga e Kombit, Qukës-qafë -Plloçë, Kardhiq-Delvinë, kanë hyrë në dekadën e dytë të financimit dhe punimet ende nuk kanë përfunduar.
Zgjatja në kohë e projekteve përveç po krijon kosto nga mospërdorimi plotë i investimit po ndikon në amortizimin e pjesëve që kanë përfunduar, duke kërkuar kështu vit pas viti financime shtesë. INSTAT raportoi se në vitin 2022 vendi kishte 3,606 kilometra rrugë gjithsej nga 3,848 që ishin në vitin 2014.
