Ministrja e Jashtme e Kanadasë, Melanie Joly pritet të vizitojë nesër Tiranën ku do të ketë edhe një takim me ministren për Europën dhe Punët e Jashme, Olta Xhaçka.
Vizita e Ministres së Jashtme kanadeze në Shqipëri vjen si pjesë e turit të saj në Evropë, që përfshin Slloveninë, Maqedoninë e Veriut dhe vendin tonë.
Kjo është vizita e dytë e një Ministri të Jashtëm kanadez në Tiranë, në harkun kohor prej 9 vitesh.
Ministrja e Punëve të Jashtme e viziton Shqipërinë në një kohë kur roli dhe kontributi i Kanadasë në arenën ndërkombëtare është rritur ndjeshëm.
