Sot Armanda Pushani do të festonte ditëlindjen, por një grindje në familje për shkak se konsumonte alkool i preu jetën në mes dy ditë më parë.
Ajo u vra me thikë nga motra e saj, Marsela Pushani me profesion mësuese. Fillimisht ngjarja u raportua si aksidentale, më pas vetëvrasje, por në fund u zbulua se ishte vrasje. Dje u përcoll për në banesën e fundit.
Dy vajzat jetonin me nënën e tyre në një banesë, e cila njërën e përcolli dje në banesën e fundit, ndërsa tjetra ndodhet pas hekurave ku do të vuajë dënimin për një kohë të gjatë.
