Presidentja e Kosovës, Vjosa Osmani nga Tirana deklaroi se Serbia po vazhdon që të tentojë që të zbatojë skenarin e Vladimir Putinit për të destabilizuar Ballkanin.
“Aleksandër Vuçiç dhe Serbia po synojnë të destabilizojnë Ballkanin dhe të atakojnë sistemin e vlerave ku qëndron BE dhe NATO.
Serbia fut armatim ilegalisht në Kosovë, i terrorizon qytetarët serbë në veri, fut grupe të krimit të organizuar në veri dhe nuk ka javë që nuk qëllon kundër policisë së Kosovës. Nuk duhet të lejojmë që plani i Putinit të zbatohet nga Vuçiç në Ballkan” tha ajo.
Ngërçi Rama-Kurti? Osmani: T’i tejkalojmë si familje, një zë kundër Serbisë
Kreu i shtetit të Shqipërisë, Begaj tha se është i vetëdijshëm se kush kërkon po provokon dhe kërkon që të shkaktojë probleme në rajon, referuar Serbisë, por kërkoi nga Prishtina që të dëgjojë SHBA-në.
“Ne e dimë kush i shkakton problemet dhe kush provokon. Por duhet të dimë si të dalim nga situata. Këtu futet mbështetja ndërkombëtare, ne nuk mund të themi sot që nuk i duam” tha ai, referuar SHBA-së dhe BE-së.
Begaj pret Osmanin: Flisni më shumë me SHBA-në për situatën në veri
