Për fat të keq Kuvendi rinis sot sesionin e ri aty ku mbylli të vjetrin në Korrik. Opozita në kaos. Përçarje që thellohet akoma më shumë. Tre grupime të PD-së u paraqitën sot në Kuvend, Sali Berisha, Lulzim Basha dhe Gazment Bardhi.
@5pyetjet.al Basha-Bardhi ulen ngjitur! Ironi, të qeshura dhe debat #lulzimbasha #saliberisha #gazmentbardhi #kuvendi #edirama #albania ♬ original sound – 5pyetjet.al
Situata u tensionua që në nisje të seancës, pasi Lindita Nikolla njoftoi se kishte marrë një letër nga Basha që e njoftonte se ishte zgjedhur edhe kryetar i grupit përpos kryetar i partisë. Salla në pjesën e opozitës shpërtheu në të qeshura.
Lulzim Basha uli kokën. Asnjë reagim. Sali Berisha mori fjalën në foltore. Por kamera ishte folur te Basha dhe Bardhi që ishin ulur ngjitur. Lulzim Basha diçka i kërkoi duke iu afruar. Nuk dihet se çfarë i tha, por nga mimika dhe gjestet u duk qartë se Bardhi ishte kundër. Pati edhe një debat mes tyre.
Jashtë kuvendit, por edhe në foltore, Bardhi e quajti Bashën qesharak. Ndërkohë Lindita Nikolla pas kundërshtimit të Bardhit, tha se ia kishte çuar kërkesën e Bashës juristëve të Kuvendit për të vlerësuar në fund nëse do ta pranojë njoftimin e tij që është edhe kryetar i grupit.
