Policia e Tiranës ka vënë në pranga 4 persona, konkretisht një 27-vjeçar me inicialet R. D., një 24-vjeçar me inicialet E. Gj., një 27-vjeçar me inicialet A. K., dhe një 46-vjeçar me inicialet M. B., 46 vjeç.
Ata u kapën në flagrancë duke transportuar 7 emigrantë, kundrejt pagesës 600 euro për person, me qëllim që të kalonin kufirin në mënyrë të paligjshme.
Po ashtu në kërkim është shpallur një 38-vjeçar me inicialet D. Q., organizator i kësaj veprimtarie kriminale.
Mësohet se janë proceduar penalisht edhe 7 emigrantët, për kalim të paligjshëm të kufirit.
Materialet procedurale i kaluan Prokurorisë pranë Gjykatës së Tiranës, për veprime të mëtejshme.
