Policia e Korçës ka vënë në pranga një 34-vjeçari pasi ka thyer disa herë masën e sigurisë “arrest shtëpie”.
Sipas njoftimit të policisë 34-vjeçari me iniciale A. L. u kap në flagrancë jashtë ambienteve të shtëpisë së tij.
Ai u arrestua për veprën penale “Largimi i të burgosurit nga vendi i qëndrimit”.
Policia gjithashtu procedoi penalisht në gjendje të lirë 37-vjeçarin me inicialet A. A. pasi u kap me armë gjahu të tipit “çifte” të cilën e kishte pa leje.
Po ashtu u procedua një tjetër person pasi kishte rrethuar me muri guri tokën e cila ishte në pronësi të një personi tjetër.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
