Presidenti i Republikës, Bajram Begaj dekretoi ditën e sotme shkarkimin e ministrave që largohen nga detyra, dhe njëkohësisht emërimin në detyrë të ministrave të rinj. Tashmë të gjithë dekretet do të shkojnë në Kuvend për t’u votuar, lirimi dhe emërimi i të rinjve. Më pas do të betohen përpara kreut të shtetit për të marrë zyrtarisht detyrën e re. Kryeministri Edi Rama të hënën që lamë pas bëri shtatë lëvizje në kabinet. Largimet kryesore ishin të ministrave të Jashtëm, Ekonomisë dhe Financave, Bujqësisë, por edhe Arsimit. Ministren e Shëndetësisë e dërgoi në krye të dikasterit të Arsimit dhe Sportit. Krijoi edhe një ministri të re për Pushtetin vendor që ia besoi Arbi Maznikut.
Ndryshimet në qeveri;
Ministër i Financave dhe Ekonomisë – Emërohet Ervin Mete; Largohet Delina Ibrahimaj
Ministër Shteti për Sipërmarrjen dhe Klimën e Biznesit–Emërohet Delina Ibrahimaj; Largohet Edona Bilali
Ministre e Shëndetit dhe Mirëqenies Sociale – Emërohet Albana Koçiu; Largohet Ogerta Manastirliu
Ministër i Arsimit dhe Sporti – Emërohet Ogerta Manastirliu; Largohet Evis Kushi
Ministër për Europën dhe Punët e Jashtme – Emërohet Igli Hasani; Largohet Olta Xhaçka.
Ministër i Bujqësisë dhe Zhvillimit – Emërohet Anila Denaj; Largohet Frida Krifca
Ministër i Pushtetit Vendor (Ministri e re): Emërohet Arbjan Mazniku
Ministria e Shtetit për Standardet dhe Shërbimet (Shkrihet) – Largohet Milva Ekonomi
