Kanë mbërritur në Tiranë qindra automjete me emigrantë shqiptarë nga diaspora, të cilët pritet t’i bashkohen protestës së radhës kundër qeverisë.
Në hyrje të kryeqytetit janë vërejtur kolona të gjata makinash të pajisura me flamuj kombëtarë, ndërsa lëvizja e tyre ka vijuar drejt zonës qendrore të Tiranës.
Protesta, e cila nis në orën 19:00, pritet të mbledhë mijëra qytetarë, me organizatorët që deklarojnë se pjesëmarrja mund të jetë edhe më e lartë për shkak të pranisë së diasporës.
