Kryeministri Edi Rama theksoi sot edhe njëherë se nuk do të ndërhyjë për dosjen e arrestimit të Fredi Belerit pavarësisht presionit të fortë të Greqisë. Ai tha se drejtësia duhet t’i shkojë deri në fund.
“Ndonjë po thotë se kur vjen puna tek ndonjë patate shumë e nxehtë në duart e drejtësisë, si ajo e zotit Beleri, unë duhet të ndërhyj e ta hedh pataten në det, por kjo nuk ka për të ndodhur kurrsesi.
Dhe unë vetëm do të përsëris deri në bezdi për shumëkënd, se lufta kundër korrupsionit dhe kriminalitetit të organizuar vetëm do të thellohet, pavarësisht dhimbjeve e kostove, sepse kjo luftë është e drejtë dhe e domosdoshme për Shqipërinë Europiane të të gjithë fëmijëve të këtij vendi” tha ai.
Shqipëria drejton Këshillin e Sigurimit në OKB/ Rama: Tre konsiderata në një ditë
