Basketbollisti i Houston Rockets, Kevin Porter Jr është arrestuar të martën në orën 6.45 të mëngjesit në New York pasi sulmoi dhe tentoi të mbyste të fejuarën Kysre Gondrezick, ish lojtare e Wnba.
Pasi u kthye vonë në hotel, basketbollisti u përball me kritikat e të fejuarës gjë që nuk i pëlqeu aspak duke nisur ta dhunonte fizikisht e madje duke tentuar që ta mbyste.
Fillimisht ajo i mbylli derën por shtatlarti me ndihmën e një punonjësi të hotelit, arriti të hynte dhe në këtë moment tentoi disa herë ta mbyste.
Gondrezick u transportua menjëherë në spital ku mjekët kanë evidentuar një të çarë të madhe dhe një frakturë, ndërsa lojtari i “Raketave” është i ndaluar momentalisht. Dënimi për të mund të jetë aq i rëndë sa mund t’i kushtojë edhe karrierën.
