Një ndërtesë e sapo përfunduar në rrugën “Dëshmorët e Lirisë” në Gjakovë është përfshirë nga flakët dhe është djegur tërësisht ditën e sotme.
Për shkak të zjarrit janë djegur edhe disa shtëpi banimi përreth saj duke shkaktuar dëme të konsiderueshme.
Edhe pse raportohet për dëme të mëdha fatmirësisht nuk ka dëme në njerëz.
Njësitet policore dhe ekipet emergjente nga Brigada e Zjarrfikësve në Gjakovë sapo kanë mbërritur në vendin e ngjarjes kanë bërë evakuimin e banorëve përreth.
Nga ndërhyrja në kohë janë shpëtuar dhjetëra shtëpi të tjera në lagjen “Dervish Dana”.
Në vendin e ngjarjes po ashtu janë parë edhe ekipe të KEDS-it dhe autoambulanca në gjendje gatishmërie.
