Një foshnje 10-muajshe ka ndërruar jetë në Lisbonë të Portugalisë pasi babai i saj harroi ta çonte në çerdhe duke e lënë të mbyllur në makinë në parkingun e një kampusi universitar për disa orë në temperatura 26 gradë.
Babai i foshnjës, i cili punon në Universitetin NOVA të Lisbonës si pedagog dhe drejtues i departamentit, e kuptoi gabimin kur gruaja e tij e telefonoi teksa kërkonte fëmijën e saj, pasi kishte shkuar në çerdhe për ta marrë dhe nuk e kishte gjetur.
Përpjekjet për ta rikthyer në jetë fëmijën dështuan. Sipas policisë vendase, vajza e vogël, e cila sipas shtypit portugez quhej Madalena dhe ka qenë duke fjetur në karrigen e saj të lartë në sediljen e pasme.
Rezultatet e autopsisë nuk kanë dal ende dhe nuk pritet të publikohen. Forca policore Policia Judiciaria në qytetin Setubal pranë Almadës po hetojnë ngjarjen.
