Ish-kryeministri Sali Berisha deklaroi sot votën kundër rritjes së pagave për gjyqtarët e Gjykatës Kushtetuese.
Ai tha se rritja është dyfish krahasuar me Presidentin dhe 10-15% e rrogës mesatare në Shqipëri. Me këtë rritje, Berisha tha se Edi Rama po blenë gjykatën Kushtetuese.
“Në një akt cinizmi për të blerë Gjykatën Kushtetuese. Në një akt absurd dhe të hapur korruptiv kërkoni të rrisni rrogat e tyre 7 dhe 8 milionë.
Unë po ju rikujtoj, se gjyqtari më i fuqishëm në botë, që është gjyqtari i Gjykatës Supreme në SHBA, që ka në spektrin e saj çështjet Kushtetuese.
Presidenti i saj ka një rrogë vjetore 290 mijë dollarë. Presidenti i SHBA ka një rrogë vjetore 400 mijë dollarë.
Kurse ju përcaktoni një rrogë për të blerë një tufë gjyqtarësh, pothuajse dyfish rrogën e Presidentit. Për të treguar as nuk njihni shtet, vetëm interesa pazaresh dhe mafie. Rroga 10-15 herë më të lartë se rroga mesatare” tha ai.
