Në seancën e sotme të parlamentit është shkarkuar nga detyra ministrja e Financave dhe Ekonomisë, Delina Ibrahimaj, e cila më pas është votuar në postin e ministrit të shtetit për Sipërmarrjen.
Në vendin e Ibrahimajt ministër i Financave dhe Ekonomisë është emëruar Ervin Mete. Emrat e tjerë të qeverisë u miratuan të hënën.
Kryetari i grupit të PD-së, Gazment Bardhi tha se Presidenti Begaj shkeli ligjin duke votuar dekretimin e emërimit të Ervin Metes pa e liruar më parë parlamenti nga posti i kreut të AMF-së.
“Presidenti ka bërë një dekretim pa kryer as verifikim formal. Ju sot votuat pro një dekret anti-kushtetues të Presidentit” tha ai.
