Policia e Kosovës ka njoftuar për arrestimin e një gruaje pasi të martën rreth orës 01:45 dyshohet se ka sulmuar me thikë nënën e saj.
Ngjarja e rëndë është regjistruar në Fushë Kosovë. Policia njofton se rasti është iniciuar si “Dhunë në familje”.
“Fushë Kosovë. 19.09.2023 – 01:45. Është arrestuar e dyshuara femër kosovare, pasi që pas një mosmarrëveshje ka sulmuar me një mjetë të mprehtë (thikë) nënën e saj viktimën femër kosovare”, thuhet në raportin policor.
Nëna e të arrestuarës është dërguar për të marrë ndihmën mjekësore në spital. E arrestuara me vendim të prokurorit e dyshuara është dërguar në mbajtje.
