Dy modele janë gjetur të vdekura në një hark të shkurtër kohor në Los Angeles.
Nichole “Nikki” Coats dhe Malisa Mooney, 32 dhe 31 vjeç u gjetën të pajetë në banesat e tyre përkatëse me një distancë prej disa orësh.
Ideja e një vrasësi serial është e frikshme, por nuk ka gjetur konfirmim zyrtar nga qarqet hetimore.
Trupi i Nichole Coats u gjet më 10 shtator. Duke mos pasur asnjë lajm për të renë, familja e saj ngriti alarmin. Vdekja e vajzës është shpallur “e dyshimtë” ndërsa po pritet autopsi për zbardhjen e vdekjes së modeles.
Dy ditë më vonë, në një pallat më pak se tre milje larg, Malisa Mooney u gjet gjithashtu e vrarë. Kanë qenë edhe familjarët e saj që kanë nisur kërkimet për të pasi e reja nuk po i përgjigjej telefonatave dhe mesazheve.
Në rastin e Mooney duket se nuk ka asnjë dyshim por është cilësuar vrasje. Megjithatë, është e paqartë se sa kohë ka kaluar midis vdekjes dhe zbulimit të trupit.
“Dua përgjigje, dua të di pse më vdiq vajza. Nikki nuk kishte armiq,” tha nëna e saj, Sharon Coats.
Hetuesit po punojnë për të rindërtuar lidhjet e mundshme mes dy të rejave dhe për të rindërtuar orët e tyre të fundit të jetës.
