Zbardhen detaje të reja nga vrasja e Fatjon Dervishit pak pas mesnate në Katund Sukth të Durrësit. Nga të dhënat e para dyshohen që kanë qenë 2 persona që kanë marrë pjesë në krim. Njëri në rolin e qitësit ndërsa tjetri ka ndihmuar në largimin nga vendi i krimit.
Autorët e kanë pritur Dervishin pranë shtëpisë në një pjesë rruge që ishte në ndërtim dhe që makina që po vinte duhet të ulte shpejtësinë për të kaluar si pasojë e gropave. Këtë e kanë përdorur killerat që e kanë zënë në pritë duke qëlluar 15 herë në drejtim të makinës.
Dy plumba i morën jetën ën vend. Momentin e krimit, viktima ka qenë së bashku me një mikun e tij në makinë, i cili ka shpëtuar i pa lënduar. Ai ka dëshmuar se ndaj tyre është qëlluar sapo kanë dalë nga një lokal.
Fatjon Dervishi rezulton që të jetë vëllai i Fatbardh Dervishit (Dodës). Më 3 Janar të vitit të kaluar, Fatbardhi, 33 vjeç, plagosi me armë zjarri të dashurën e tij Edis Koroveshi 24 vjeçe.
Fatbardh Dervishi u arrestua më pas në Spanjë. Sipas autoriteteve iberike, përveçse e konsiderojnë shumë të rrezikshëm, ai është drejtuesi i një grupi kriminal që maskohej me uniforma policie dhe kryente grabitje të shtëpive që shërbenin si magazina droge.
Ai u arrestua nën akuzën e vjedhjes së automjeteve, falsifikim dokumentesh, armëmbajtje pa leje, trafik droge, grup kriminal.
Viktima është nipi i Kep Arapit të Sukthit, një emër i njohur për drejtësinë. Arapi është një personazh i njohur në zonën e Sukthit. Ai është person me precedent kriminal.
Hakmarrje? I vëllai plagosi të dashurën në hotel! Kush e vrau nipin e “Arapit”?
