Kryetari aktual i Preshevës, Shqiprim Arifi ka mohuar se komuna që ai udhëheq po mban ditë zie për terroristët që sulmuan policinë në veri të Kosovës.
Kjo deklaratë vjen pas akuzës nga ana e ish-kryetares së Preshevës, Ardita Sinani, e cila e akuzoi se urdhërin e Vuçiç për mbajtjen e zisë e zbatoi edhe komuna e Preshevës.
“Presheva nuk ka ditë zie! Shumë lehtë vërtetohet kjo! Ejani tek administrata komunale,” shkruan kreu i Komunës së Preshevës.
Në reagimin e Arifit nuk ka munguar as një sulm i drejtpërdrejtë ndaj Sinanit, duke e quajtur atë si bashkëpunëtore të Vulinit.
“Ndërsa kur jemi te flamuri ja ku ishte flamuri i Serbisë së bashku me bashkëpunëtoren e Vulinit,” shton Arifi.
Ish-kryetarja e Preshevës drejtuar kryetarit aktual: Si mund të mbani zi për terroristët
