Presidenti Bajram Begaj me propozim të kryeministrit bëri katër dekretime në detyrën e ambasadorit. Ilir Boçka largohet si ambasador në Beograd dhe në vendin e tij shkon Bardhyl Canaj. Sami Shiba lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Mbretërinë e Arabisë Saudite dhe vendin e tij e zë Saimir Bala.
Arben Gazioni largohet nga posti i ambasadorit në Rusi dhe në vendin e tij dekretohet Genc Pecani. Gjithashtu emërohen Artur Kuko, ambasador i Jashtëzakonshëm dhe Fuqiplotë i Republikës së Shqipërisë në Mbretërinë e Vendeve të Ulëta, rezident, dhe Ambasador i Jashtëzakonshëm dhe Fuqiplotë i Republikës së Shqipërisë pranë Organizatave për Ndalimin e Armëve Kimike (OPCË), jorezident dhe Arten Hanku, në Republikën e Sllovakisë, rezident.
