Ministria e Punëve të Jashtme të Gjermanisë ka reaguar për situatën mes Kosovës dhe Serbisë, ku kjo e fundit ka rritur numrin e trupave të ushtrisë në kufi, duke thënë se duhet të shmanget përshkallëzimi i mëtejshëm mes dy shteteve.
Në reagim thuhet se është e rëndësishme që Serbia të reduktojë trupat e saj në kufirin me Kosovën pa vonesë.
Gjithashtu, Ministria e Jashtme gjermane shton se së bashkë me partnerët janë në kontakt të drejtpërdrejtë me palët e përfshira në konflikt duke kërkuar që të vazhdojë urgjentisht procesi politik.
“Duhet të shmanget përshkallëzimi i mëtejshëm mes Serbisë dhe Kosovës. Është e rëndësishme që Serbia të reduktojë trupat e saj në kufirin me Kosovën pa vonesë. Së bashku me partnerët tanë, ne jemi në kontakt të drejtpërdrejtë me palët e përfshira. Procesi politik duhet të vazhdojë urgjentisht,” thuhet në reagim.
Further escalation between #Serbia & #Kosovo must be avoided. It is important that Serbia reduces its troops at the border to Kosovo without delay. Together with our partners, we are in direct contact with the parties involved. The political process needs to continue urgently.
— GermanForeignOffice (@GermanyDiplo) September 30, 2023
