Ministri i Brendshëm i Kosovës, Xhelal Sveçla ka mbajtur ditën e sotme një konferencë të jashtëzakonshme për mediat në të cilën ka publikuar detaje të reja në lidhje me sulmin e 24 shtatorit në veri të vendit.
Nga informacionet e para të cilat u raportuan pas sulmit ishte se numri i agresorëve ishte rreth 30 ndërsa ditën e sotme ministri Sveçla është shprehur se sulmuesit kanë qenë rreth 90 persona.
Ai përgëzoi policinë e cila ishte në disavantazh si në numër dhe armatime por ia arriti me profesionalizëm të vendoste rend.
Dyshime për lidhjet me sulmin, Drejtori i PK-së: Sot ra në pranga një tjetër person
Sveçla gjithashtu shtoi se askush s’ka negociuar për ndonjë lirim e agresorëve.
“Absolutisht nuk ka pasë kurrfarë negocimi gjatë këtij aksioni, unë nuk mund të rresht së falënderuari Policinë e Kosovës për profesionalizmin e tyre.
Në fillim kemi folur për rreth 30 pjesëtarë të këtij grupi terrorist, lirisht mund të themi se janë mbi 90 terroristë që kanë marrë në këtë sulm që tregon se policët tanë kanë qenë në numër më të vogël se sulmuesit.
Publikohet momenti i sulmit ndaj policisë ku u vra Afrim Bunjaku
Policia jonë nuk zotëron kësi lloj armatimi. Përkundër gjithë këtyre disavzanteshe dhe të cilën Policia e Kosovës është gjetur dhe ka treguar profesionalizëm të pashembullt dhe sukses të jashtëzakonshëm, Rënia e Afrimit dhe angazhimi pa kurrfarë hezitimi dhe vullnet të madh për sakrific, ka bërë të mundur që një skenar kaq ogurzi të ndërpritet,” u shpreh ministri i Brendshëm.
Drejtori i PK-së: 4 ditë para sulmit u kryen përgatitjet finale në Kopanik
