Ish-kryenegociatorja e Kosovës në dialogun me Serbinë, Edita Tahiri ka thënë se Shtetet e Bashkuara të Amerikës duhet të ndërtojnë bazë ushtarake në veri të Kosovës.
Sipas Tahirit, vetëm në këtë mënyrë ndalet lufta gjeopolitike e Serbisë dhe Rusisë ndaj Kosovës dhe Ballkanit Perëndimor.
Ajo shton se përcaktimi perëndimor i Kosovës dhe të gjitha shteteve tjera që lindën nga zhbërja e ish-Jugosllavisë është paguar me jetë njerëzish.
“Amerika të ndërtojë bazë ushtarake në veri të Kosovës, vetëm në këtë mënyrë ndalet lufta gjeopolitike e Serbisë dhe Rusisë ndaj Kosovës dhe Ballkanit! Si rezultat vija gjeopolitike perëndim-lindje vendoset drejt në Ballkan,” ka shkruar Tahiri në Facebook.
