Ministri i Ushqimit dhe Bujqësisë i Gjermanisë, Cem Ozdemir ka mbërritur sot për një vizitë në Kosovë.
Ai u prit në pikën kufitare në Han të Elezit nga ministri i Bujqësisë së Kosovës, Faton Peci.
Ndërkohë mësohet se në axhendën e tyre të përbashkët përfshihen këto pika: të vizitojnë vreshtat në Rahovec dhe bisedojnë me fermerë; të vizitojnë verarinë “Bodrumin e Vjetër”, ku priten nga pronari Ruzhdi Haxhijaha; të vizitojnë Kooperativën “Gratë e Krushës”, ku do të priten nga Fahrije Hoti.
Po ashtu mësohet se në orën 15:30 të dy ministrat do të ulen në një takim në Prishtinë.
