Në seancën e sotme plenare debati pritet që të përqendrohet te pensionet dhe rritja e pagave për anëtarët e Gjykatës Kushtetuese. Deputeti i PD-së, Dashnor Sula e kundërshtoi.
“Pensionet kjo qeveri nuk i ka rritur as një gjysmë buke. Ndërkohë që sjell një projektligj për të votuar pagat e anëtarëve të gjykatës kushtetuese dhe kryetares, dhe që është e barabartë për 100 pensionistë.
Një luks i shfrenuar për një gjykatë kushtetuese që është nën uzurpimin e qeverisë. Kryetarja e gjykatës do të marrë 10 milionë, ndërsa pensionistëve u shtohet 50 lekë në ditë.
Kjo është turp duke filluar nga mua që kam këtë rrogë kaq të lartë, të tjerët nuk mbushin barkun me bukë” tha ai.
