Një ngjarje e rëndë dhune është regjistruar mbrëmjen e djeshme në Korçë ku mbeti i plagosur një 14-vjeçar.
Që mbrëmjen e djeshme u raportua se i riu ka marrë plagë të rënda në kokë. ndërkohë sot mësohet se ai është transportuar drejt Spitalit të Traumës.
Dyshohet se ngjarja e rëndë ka ndodhur pas një konflikti me disa bashkëmoshatarë të cilët e kanë goditur me sende të forta.
Pasi ka marrë mjekim në spitalin e Korçës, adoleshenti është transportuar drejt Tiranës në gjendje të rënduar.
Policia e Korçës ka shoqëruar disa persona të cilët janë marrë në pyetje në lidhje me ngjarjen. Grupi hetimor po punon për sqarimin e plotë të rrethanave.