Zëdhënësi i Bashkimit Evropian, Peter Stano gjatë një konference të mbajtur së fundmi ka ftuar Kosovën dhe Serbinë që të kthehen në procesin e dialogut.
Sipas Stanos ky proces nuk ka alternativë tjetër, prandaj duhet të kthehen në dialog për të gjetur konsensus.
“Nuk ka rrugë tjetër pos dialogut. BE është ndërmjetësues dhe palët duhet të kthehen në dialog për të gjetur koncensus. Rruga e Kosovës dhe Serbisë shkon përmes dialogut të ndërmjetësuar nga BE dhe aty nuk ka bajpas”, tha Stano në konferencë.
“Të dyja palët duhet ta kuptojnë se dialogu duhet të rikthehet. Duhet të provohet për të gjetur zgjidhje për normalizim të marrëdhënieve
Këta janë hapat: shtensionim, kthim në dialog dhe hetim i ngjarjeve të 24 shtatorit. Dialogu duhet të rikthehet, palët të kthehen në tavolinë. Pikë,” shtoi ai.
