Komiteti Ekzekutiv i UEFA- s ka vendosur t’u japë organizimin e “Euro 2028” pesë federatave britanike (Anglia, Skocia, Uellsi, Irlanda e Veriut dhe Republika e Irlandës) dhe atë të vitit 2032 kandidaturës së formuar nga Italia dhe Turqia, që hoqi dorë nga organizimi i eventit në 2028 dhe së bashku me vendin transalpin i dhanë formë të vetmit opsion të paraqitur, 2032-shit.
“Urime të gjithë kandidatëve, u bë një punë e madhe dhe nuk ishte e lehtë. Na pëlqeu shumë prezantimi“, tha presidenti i UEFA-s, Aleksander Ceferin në fund të mbledhjes së Komitetit Ekzekutiv.
