Pas ditën e sotme gjatë përurimit të hapjes së Kolegjit Europian të Bryzhit në Tiranë kryeministri Edi Rama gjatë fjalës së tij u shpreh se BE është burimi më i thellë i dijes se si të ndërtohen institucionet.
“Që Bashkimi Europian do të ishte kaq i shpejtë për të kaluar nga fjalët në vepra, në më pak se një vit, këtë nuk e prisnim.
Sot hapen dyert për aplikim dhe vitin tjetër njerëzit do të nisin mësimet e tyre në Kolegjin e Europës në Tiranë. Diçka po ndodh vërtetë dhe është kaq e mahnitshme,” u shpreh Rama.
Rama më tej u shpreh se BE është një bekim për të gjitha vendet tona pasi është burimi më i thellë i dijes se si të ndërtohen institucionet.
“BE është një bekim për të gjitha vendet tona. Është burimi më i thellë i dijes se si të ndërtohen institucionet. Edhe kur disa institucione u ndërtuan u ndërtuan për së prapthi.
Prandaj ndërtimi i institucioneve demokratike nuk mund të bëhet nëse nuk ke BE të të mësojë se si ta bësh.
Dija është dhurata më e madhe që BE na jep ne,” shtoi Rama.
