Sekretari amerikan i Shtetit, Antony Blinken zhvilloi sot një bisedë telefonike me ministrin e jashtëm turk, Hakan Fidan.
Mësohet se mes tyre u fol për përpjekjet diplomatike për të parandaluar zgjerimin e konfliktit dhe për të minimizuar kostot humanitare të luftës në Izrael, sipas zëdhënësit të Departamentit të Shtetit, Matthew Miller.
“Sekretari përsëriti nevojën që Hamasi të ndalojë të gjitha sulmet e dhunshme dhe të lirojë menjëherë pengjet,” tha Miller.
Një zyrtar i lartë turk tha për CNN javën e kaluar se Turqia po përpiqet të lirojë pengjet e marra nga Hamasi.
