Kryetari i grupit të PD-së, Gazment Bardhi, pas mbledhjes së deputetëve ka dalë në një deklaratë për media, ku ka zbardhur diskutimet dhe i ka bërë thirrje mazhorancës të mos i mohojë të drejtat kushtetuese opozitës.
Ai paralajmëroi se do të bllokojnë parlamentin duke mos lejuar funksionimin e tij për shkak se PS i rrëzoi tre komisione, mes tyre atë për sistemin “TIMS”. Në këtë pikë bëri një paralajmërim për vëllanë e kryeministrit, Olsi Rama.
“Nëse nuk ndërhyhet në mënyrë të paligjshme në sistemin “TIMS” vëllai i kryeministrit sot duhet të ishte në burg dhe faktet ne do i publikojmë javën që vjen. Prandaj Rama dhe ministri i Brendshëm kanë urdhëruar ndërhyhet në mënyrë të paligjshme në të dhënat e sistemit TIMS” tha ai.
